Davao City – Sagad problema karon sa mga gitawag nga Generation Z kinsa nag-edad og 16-22 anyos mao ang sobra nga pagka-expose sa mga gadgets.
Gipasabot ni Philippine Mental Health Association (PMHA) Davao chapter executive director Precious Manliguez atol sa interbyu kaniya sa programang Serbisyong Straight to the Point nga kung kaniadto makatuon ang usa ka bata pinaagi sa basic scientific organs sama sa pagkita sa mga butang, pagtilaw, pagsimhot ug pagbati niini, lahi na sa henerasyon karon nga kung makita ug madungog lang sa usa ka bata aduna nay pagtuon sanglit dali lang makagana sa pangisip ang gadgets.
Gumikan niini sugyot ni Manliguez ilabi na sa mga ginikanan nga kinahanglan adunay duha ka pamaagi sa komunikasyon diin sabton usa sa ginikanan ang bata ug paminawon ang eksplanasyon niini ayha pa man mudesidir sa iingon o buhaton.
“Kaning mga Generation Z nga na-hook o na-expose sila sa gadgets naa silay communication deficit mas ganahan sila makig communicate through gadget kaysa sa personal nga interaction,” segun niini.
Dugang sa executive director nga kung mamahimo walay gadget sa panimalay ug makig storya one on one ang mga ginikanan ug anak.
Kahinumdoman usab nga base sa mga datos ug mga pagtoon, ang suliran ning maong henerasyon mao nga sagad nakasinati kini sila og ‘generational gap’ tali sa ilang mga parents hinungdan nga angay mabansay usab ang naulahi aron mas masabtan ang mga kabatan-onan sa ilang unique personality characteristics.
RadyoMaN Jason Amisola
