Dipolog City- Kagahapong adlawa ang kapulisan sa tibuok Probinsya sa Zamboang del norte sa pagpanguna ni OIC Provincial Dir. PSSupt. Michael Macapagal, nagpahigayon ug Christmas Party Celebration didto sa may Camp Hamac, Sicayab, Dipolog City.
Kini gihimo nila isip timaan nga ang pasko mao ang adlaw sa paghinatagay ug pagminahalay aron sa ingon mabati agayud ang tinuod nga spirit sa pasko karong bulan sa Desyembre.
Gitambungan,ang maong selebrasyon sa pasko sa mga hepe gikan sa 25 ka mga lungsod ning probinsya sa Zamboanga del norte uban usab sa ilang pipila ka mga sakop.
Imbitado usab ang mga dagkong opisyal sa matag lungsod mga religious group ug sakop sa Media.
Adunay mga gihimong kalingawan ang mga taga ZNPPO, pagbinayluay ug mga regalo lakip na usab ang paghatag ug mga regalo ngadto sa mga maswerte nga mabunutan ang ilang pangalan pinaagi sa Raffle.
Daw sa dili masabot ang gibating kalipay sa mga sakop sa Pnp ning Probinsya tungod kay bisan paman sa ilang ka busy sa trabaho isip tigbantay sa kahapsay ug kalinaw apan natagaan sila ug kahigayonan nga makig indigay sa ilang kauban usab sa tabaho kauban usab ang ilang tagsa-tagsa ka mga pamilya.
Photo(c)Simoone Dove Adrisamz <www.facebook.com/lye.adrisamz>
