Zoning strategy sundon vs COVID-19

33

Davao City – Bag-ong istratehiya ang gipatuman sa gobyerno sa pagkontrola sa pagkuyanap sa COVID-19.

Gibutyag ni Department of the Interior and Local Government (DILG-XI) Regional Director Alex Roldan nga Zoning Containment Strategy o localized lockdown ang sundon.


“Dili natong tibuok lugar ipangdeklara kundili kato nalang atoang zoning ug sub-zones. Buot ipasabot ana kung pananglitan adunay usa ka kalsada sa usa ka barangay ang nakita nga adunay taas nga infection ug kini base sa namatikdan nila nagkatay-katay sa palibot, kana lang kalsadaha ang ibutang nato’g high-risk nga lugar na maoy i-control ug ang iyahang immediate nga palibot naa gihapoy control pero medyo luag-luag,” sumala ni Roldan.

Dugang ni Roldan, nakita nila nga mas epektibo kini sa pagpugong sa pagtakod-takod sa sakit inay ang entero syudad ang ipailawom sa lockdown.

Samtang nagpabilin pa gihapon ang mga health protocols nga kinahanglang tumanon sa mga tawo sama sa paggamit og face masks, walay mass gathering, istriktong sundon ang social distancing ug pagpanghinlo kanunay sa lawas.

RadyoMaN Aimee Guinita




Facebook Comments