Nasapwan nga wala na sang kabuhi ang isa ka Zumba instructor sa madulom nga bahin sang Purok Tagumpay, Brgy GPS, Koronadal City, alas 11:30 kagab-i, Abril 14, 2021.
Ginkilala ang biktima kay Arvin Rey Mardehanon, yara sa legal nga pang-edaron, single kag residente sang Purok Leganes, Brgy. Zone 1, Koronadal City.
Base sa testigo, nakit-an nila ang biktima nga sakay sa motorsiklo upod ang riding in tandem kag pag-abot sa nasambit nga madulom nga lugar ginhulog sang mga ini ang biktima.
Sa imbestigasyon may pilas sa wala nga bahin sang iya nga dughan ang biktima nga nangin tunaan sang iya nga kamatayon.
Sa subong nagapadayon ang imbestigasyon sang Koronadal CPS sa motibo kag suspek sa nasambit nga krimen.
Facebook Comments
