Maagang hinaharvest ang mga Bangus ng mga growers mula sa mga bayan ng Lingayen, Binmaley at Bugallon kahit hindi pa tuluyang fully grown o malaki ang mga ito bunsod umano ng itinakdang ultimatum sa ilang nasabing bahagi sa Pangasinan.
Ayon sa mga personal na nakapanayam ng IFM News Team, mayroon umanong ultimatum kung saan ipinagbabawal na ang fish pen sa ilang bahagi ng mga nasabing bayan at dagdag pa ng mga ito na ngayon o hanggang bukas na lamang sila mapapayagang magharvest.
Ibinabagsak ang mga ito sa Dagupan City bilang isa ang wet market sa lungsod na kadalasang pinagbibilhan ng mga seafood at fish products.
Samantala, ayon pa sa ilan kung mapansing sakaling dadami pa umano ang naghaharvest ng maliliit na isda ay posibleng dahil ito sa banta ng pabago-bagong panahon na maaaring magdulot ng fishkill. |𝙞𝙛𝙢𝙣𝙚𝙬𝙨
