𝗔𝗣𝗟𝗜𝗞𝗔𝗦𝗬𝗢𝗡 𝗣𝗔𝗥𝗔 𝗦𝗔 𝗞𝗪𝗔𝗟𝗜𝗣𝗜𝗞𝗔𝗗𝗢𝗡𝗚 𝗜𝗦𝗞𝗢𝗟𝗔𝗥𝗦, 𝗕𝗜𝗡𝗨𝗞𝗦𝗔𝗡 𝗡𝗔 𝗡𝗚 𝗦𝗠 𝗙𝗢𝗨𝗡𝗗𝗔𝗧𝗜𝗢𝗡

Cauayan City- Muling naghahanap ngayon ng mga kwalipikadong iskolar ang SM Foundation Inc. (SMFI) kung saan layunin ng naturag programa na tulungan ang mga desididong mag-aaral na makapagtapos ng pag-aaral sa ilalim ng College Scholarship Program.

Bukod sa pagbibigay ng scholarship at allowance sa mga iskolar ay nabibigyan rin ang mga ito ng pagkakataon na mag-apply sa part-time employment upang kumikita sila habang nag-aaral.

Nagkakaroon rin ng pagtitipon ang mga iskolar mula sa iba’t-ibang lugar upang makapagtatag ng magandang samahan at ugnayan.

Ang naturang aplikasyon ay nagsimula noong ika-1 ng Pebrero hanggang ika-31 ng Marso taong kasalukuyan at maaaring bisitahin ang kanilang website para sa karagdagang detalye.

Samantala, mahigit 400 SM scholars ang nagtapos sa bansa at siyam (9) rito ay nagmula sa Cagayan.