Cauayan City – Isang bagong silang na sanggol na lalaki ang natagpuan sa gilid ng Macaniao Creek sa Barangay Ambatali, Ramon, Isabela ngayong araw ika-23 ng Pebrero.
Ayon sa inisyal na ulat ng PNP Ramon, isang concerned citizen ang nakakita ng kahina-hinalang palanggana na nakapatong sa sementadong bahagi sa tabi ng sapa.
Nang kanyang suriin, natagpuan ang isang buhay na sanggol na nakabalot sa itim na pillow case.
Kinumpirma rin ng pulisya na nakakabit pa pusod ng sanggol nang ito ay matagpuan.
Agad na ini-report ang insidente sa pamunuan ng barangay at kaagad namang rumesponde ang mga pulis upang tiyakin ang kaligtasan ng sanggol.
Dinala ito sa Ramon RHU Birthing Center para mabigyan ng agarang medikal na atensyon.
Patuloy ngayon ang ginagawang imbestigasyon ng pulisya upang matukoy ang mga taong sangkot sa pag-abandona sa sanggol.
Nananawagan din ang pulisya sa publiko na makipag-ugnayan kung may anumang impormasyong makatutulong sa kaso.
Source: RAMON PS
————————————–
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
