Cauayan City — Opisyal na idineklara bilang Drug-Free Workplace ang Benito Soliven Police Station matapos ang isinagawang Ceremonial Unveiling kahapon, ika-27 ng Enero.
Ang programa ay isinagawa katuwang ang Philippine Drug Enforcement Agency-Isabela.
Sa naging mensahe ni Police Captain Ronnie Heraña Jr., Acting Chief of Police ng Benito Soliven PS, mahalaga ang integridad, disiplina, at pagiging huwaran ng kapulisan sa pagpapatupad ng Drug-Free Workplace Policy.
Samantala, binigyang-diin din ni Editha Bunagan, Provincial Officer ng PDEA Isabela, ang kahalagahan ng koordinasyon ng PNP, PDEA, at lokal na pamahalaan sa laban kontra droga.
Bilang bahagi ng programa, isinagawa ang panunumpa at paglagda sa Pledge of Commitment kasama ang mga panauhin at mga tauhan ng Benito Soliven Police Station.
Iginawad din ng PDEA Isabela ang Certificate of Commendation sa himpilan bilang pagkilala sa pagiging Drug-Free Workplace, na sinundan ng Ceremonial Unveiling ng Drug-Free Workplace Marker.
—————————————
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
