‎𝗕𝗢𝗗𝗘𝗚𝗔 𝗣𝗔𝗥𝗔 𝗦𝗔 𝗠𝗚𝗔 𝗖𝗢𝗡𝗙𝗜𝗦𝗖𝗔𝗧𝗘𝗗 𝗨𝗡𝗖𝗘𝗥𝗧𝗜𝗙𝗜𝗘𝗗 𝗣𝗥𝗢𝗗𝗨𝗖𝗧𝗦, 𝗕𝗜𝗡𝗨𝗞𝗦𝗔𝗡 𝗡𝗚 𝗗𝗧𝗜 𝗥𝗘𝗚𝗜𝗢𝗡 𝟮

‎
‎Cauayan City – Isinagawa ng Department of Trade and Industry (DTI) Region 2 ang pormal na pagbubukas ng kanilang inayos na bodega para sa mga nakumpiskang uncertified at non-compliant na produkto sa DTI Regional Office 2 Compound.
‎
‎Ang naturang pasilidad, na pinondohan ng Fair Trade and Enforcement Bureau (FTEB), ay magsisilbing ligtas na imbakan ng mga produktong hindi sumusunod sa Philippine National Standards (PNS) na nasamsam sa mga operasyon ng DTI sa rehiyon.
‎
‎Layunin nitong mapalakas ang proteksyon sa mamimili at maiwasan ang pagbebenta ng mga delikadong produkto sa merkado.
‎
‎Ayon sa pamunuan ng DTI R2, pansamantalang itatago sa bodega ang mga nasabat na produkto habang isinasagawa ang tamang proseso ng pagsira at disposisyon alinsunod sa mga umiiral na batas at regulasyon sa kapaligiran.
‎
‎Source: DTI REGION 2