𝗛𝗔𝗟𝗢𝗦 𝟮𝟬𝟬 𝗨𝗡𝗜𝗧𝗦 𝗡𝗚 𝗕𝗨𝗦 𝗦𝗔 𝗗𝗔𝗚𝗨𝗣𝗔𝗡 𝗖𝗜𝗧𝗬, 𝗕𝗔𝗕𝗬𝗔𝗛𝗘 𝗡𝗚𝗔𝗬𝗢𝗡𝗚 𝗛𝗢𝗟𝗜𝗗𝗔𝗬 𝗦𝗘𝗔𝗦𝗢𝗡

Matapos makapag sumite ng special permit ang ilang bus companies sa lungsod ng Dagupan, asahan na raw ang karagdagang unit ng bus na byabyahe na tutugon sa dagsa ng mga biyahero ngayong Holiday season.

Ayon sa Terminal Master sa isang bus company sa Dagupan na si Melchor Lopez, umaasa na maaprubahan ang kanilang request upang mapaglingkuran ang mga mananakay lalo na sa mga uuwi sa kapaskuhan at bagong taon.

Dahil dito, tinatayang nasa 200 units ng bus ang byabyahe upang mas mabilis na makarating ang mga biyahero at hindi kailangang magsiksikan.

Samantala, ilang bus companies na ang nagpatupad ng advanced booking system upang hindi na umano makipagsiksikan sa terminal ang mga pasahero. |𝙞𝙛𝙢𝙣𝙚𝙬𝙨