𝗛𝗨𝗠𝗔𝗡𝗜𝗧𝗔𝗥𝗜𝗔𝗡 𝗦𝗨𝗣𝗣𝗟𝗬 𝗖𝗛𝗔𝗜𝗡 𝗠𝗔𝗡𝗔𝗚𝗘𝗠𝗘𝗡𝗧 𝗧𝗥𝗔𝗜𝗡𝗜𝗡𝗚, 𝗜𝗦𝗜𝗡𝗔𝗚𝗔𝗪𝗔

CAUAYAN CITY – Dumalo ang 17 Quick Response Team (QRT) members at 20 kinatawan mula sa iba’t ibang bayan sa lalawigan ng Isabela at Nueva Vizcaya sa Training on Humanitarian Supply Chain Management (HSCM).

Ang aktibidad ay pinangunahan ng Department of Social Welfare and Development Field Office 02 (DSWD FO2) sa pamamagitan ng Disaster Response Management Division (DRMD) na ginanap sa JAPI Hotel, Cauayan City.

Sa pagsasanay, tinalakay dito ang supply chain management, warehouse operations, inventory tracking, and inter-agency coordination na kailangan sa epektibong paghahanda sa sakuna.

Layunin nito na mapalakas ang kapasidad ng mga kalahok sa pagtugon sa panahon ng sakuna at kalamidad upang mapababa ang epekto nito sa komunidad.