Pabor ang ilang magulang sa Dagupan City ukol sa inisyatibo ng Department of Education (DepEd) na pagimplementa sa Catch up Friday ‘DEAR’ activity para sa mga mag-aaral mula elementary hanggang secondary level.
Maganda umano ang maitutulong ng pagfocus ng DepEd sa proficiency ng mga bata kung saan naglaan ng araw para lalo pang maging agresibo ang pagtuturo sa mga ito.
Una nang inihayag ng DepEd na mas pagtitibayin pa nila ang pagtutok sa mga mag-aaral pagdating sa reading profeciency ng mga kabataan lalo na ang mga nasa edad na labing limang taong gulang.
Lumabas kasi na nasa 76 percent na nasa ganitong klaseng edad ang hindi nakapasa sa minimun proficiency level, kaya naman dapat na talagang agad na matutukan ang mga ito.
Sa ngayon, tuluyan nang inumpisahan ang implementasyon ng Catch Up Friday program nitong biyernes, January 12,2024. |𝙞𝙛𝙢𝙣𝙚𝙬𝙨
