𝗜𝗟𝗔𝗡𝗚 𝗠𝗚𝗔 𝗟𝗜𝗩𝗘𝗟𝗜𝗛𝗢𝗢𝗗 𝗣𝗥𝗢𝗝𝗘𝗖𝗧𝗦, 𝗜𝗣𝗜𝗡𝗔𝗦𝗔𝗞𝗔𝗠𝗔𝗬 𝗦𝗔 𝟮𝟱 𝗦𝗞𝗜𝗟𝗟𝗘𝗗 𝗪𝗢𝗥𝗞𝗘𝗥𝗦

CAUAYAN CITY – Nabigyan ng pagkakataong makapagsimula ng negosyo ang 25 skilled workers sa bayan ng Sta. Teresita, Cagayan sa ilalim ng DOLE Integrated Livelihood Program o DILP.

Kaugnay nito ay nakatanggap ang mga skilled workers ng kabuuang P750,000 na halaga ng livelihood projects tulad ng Nail Care, Electrical at Installation Maintenance, dressmaking, at Bread and Pastry.

Bukod dito ay sumailalim din sa isang pagsasanay ang mga benepisyaryo ng programa upang magkaroon sila ng sapat na kasanayan sa pagnenegosyo.

Hinihikayat ng DOLE Region 2 na alagaan at paunlarin ang mga natanggap na livelihood projects upang makatulong na mapaunlad ang estado ng kanilang pamumuhay.