𝗜𝗟𝗔𝗡𝗚 𝗧𝗜𝗡𝗗𝗘𝗥𝗔 𝗡𝗚 𝗕𝗨𝗟𝗔𝗞𝗟𝗔𝗞 𝗦𝗔 𝗣𝗔𝗡𝗚𝗔𝗦𝗜𝗡𝗔𝗡, 𝗨𝗠𝗔𝗔𝗦𝗔𝗡𝗚 𝗟𝗔𝗟𝗔𝗞𝗔𝗦 𝗔𝗡𝗚 𝗕𝗘𝗡𝗧𝗔𝗛𝗔𝗡 𝗡𝗚𝗔𝗬𝗢𝗡𝗚 𝗔𝗥𝗔𝗪

Umaasa ang ilang tindera ng bulaklak sa Pangasinan na dadagsa ang mamimili ng bulaklak ngayong araw ng Undas matapos maranasan ang matumal na bentahan sa nakalipas na araw.

Sa naging panayam ng IFM News Dagupan sa mga vendors, kung susumahin, mas malakas umano ang naging bentahan noong nakaraang Undas.

Anila, posibleng isa sa dahilan nito ay dahil sa nararanasang mga pag-uulan nitong mga nakaraang araw sa lalawigan.

Kampante naman ang ilang tindera na sapat lamang ang kanilang kinuhang suplay upang hindi malugi. Samantala, asahan umano na mas tataas ang presyo ng bulaklak ngayong araw. |𝙞𝙛𝙢𝙣𝙚𝙬𝙨