Kasalukuyang isinasagawa ng Bureau of Internal Revenue District Office 1 ang Roadshow na naglalayong magbigay kaalaman sa mga taxpayers sa Ilocos Region ng mga nakapaloob sa Ease of Paying Taxes (EOPT) Act.
Binigyang diin ni Carmelito Caday, ang pinuno ng Client Support Unit ng tanggapan, nais ipaalam ang mga benepisyo ng mga taxpayers sa ilalim ng naturang batas.
Paliwanag ni Caday, sa ilalim ng EOPT Act mas pinasimple ang tax filing partikular sa mga micro and small taxpayers sapagkat karamihan sa mga proseso ay maaari nang gawin online.
Nakapaloob sa naturang batas ang pagpapatibay ng pinagaan na proseso ng tax returns, pagbabawas ng documentary requirements at pagkamit ng BIR services sa digital.
Tatalakayin sa naturang roadshow ang mga implementing rules and guidelines, vision at punto ng Ease of Paying Taxes Law. Inaasahang abot isang libong indibidwal ang makikiisa sa aktibidad. |𝙞𝙛𝙢𝙣𝙚𝙬𝙨
