Talagang “happy” ang naging pagdiriwang ng ika 100 kaarawan ni lola Librada Cereno ng Barangay Poblacion, Mangaldan nitong August 8, (2024) dahil kasabay mismo ng kaniyang selebrasyon ay ibinigay sa kaniya ang P10,000 cash incentive mula sa lokal na pamahalaan.
Pinangunahan ng alkalde ng bayan ang pag-abot ng regalong ito kay lola, kasama ang kinatawan ng Municipal Social Welfare and Development Office(MSWDO).
Nakatakda ring tumanggap ng 100,000 cash incentive si Lola Librada Alinsunod sa mandato ng Republic Act 10868 o Centenarian Act of 2016, ngayong buwan.
Samantala, pinatumba man ng karamdaman ay muling bumangon ang pag-asa sa buhay ang isang bed ridden patient mula sa barangay Osiem na maging benepisyaryo ng buwanang financial assistance ng Lokal na Pamahalaan ng Mangaldan.
Dahil sa stroke, nawalan na ng kapasidad makapag hanap buhay ang 51 yrs old na si Maricel Ocampo.
Magsisimula ngayong buwan ang naturang monthly financial assistance para sa kaniya na malaking tulong lalo na sa mga gastusin sa pambili ng kaniyang mga gamot. |𝙞𝙛𝙢𝙣𝙚𝙬𝙨
