𝗟𝗔𝗕𝗜𝗡𝗚-𝗜𝗦𝗔𝗡𝗚 𝗙𝗟𝗢𝗢𝗗 𝗠𝗜𝗧𝗜𝗚𝗔𝗧𝗜𝗢𝗡 𝗣𝗥𝗢𝗝𝗘𝗖𝗧𝗦 𝗦𝗔 𝗗𝗔𝗚𝗨𝗣𝗔𝗡 𝗖𝗜𝗧𝗬, 𝗞𝗔𝗦𝗔𝗟𝗨𝗞𝗨𝗬𝗔𝗡𝗚 𝗜𝗦𝗜𝗡𝗔𝗦𝗔𝗚𝗔𝗪𝗔

Isinasagawa ngayon ang labing-isang magkakasabay na flood mitigation projects sa lungsod ng Dagupan.

Ayon sa lokal na pamahalaan, sa ilalim ng ipinasang budget ng lungsod, na may kabuuang 4 Million pesos sa ilalim ng 20% Development fund, naisakatuparan ang pagpapatuloy sa mga konstruksyon sa iba’t-ibang bahagi ng siyudad.

Ilan na lamang sa mga proyektong ito ang isinasagawang road elevation at pavement and drainage system upgrade sa downtown business district ng Dagupan City.

Dagdag pa sa mga proyekto ang mga isinasagawa sa mga barangay ng Malued, Pogo Chico, Bacayao Norte, Lasip Grande, Tambac, at Pantal.

Samantala, ang mga proyektong ito ay naglalayong maging inklusibo, ligtas, matatag at nananatili ang lungsod ng Dagupan. |𝙞𝙛𝙢𝙣𝙚𝙬𝙨