Nagtamo ng sugat sa iba’t-ibang parte ng katawan ang 24 anyos na manlalaro ng basketball sa Brgy. Agdao, San Carlos City matapos bugbugin ng umano’y nasa 12 katao sa ginanap na isang pa-liga ng Barangay.
Ayon sa salaysay ng biktima, habang naglalaro ay hinarang lang umano nito ang isang manlalaro na may hawak ng bola nang siniko siya nito. Bumagsak ang biktima ngunit hindi tinulungan. Dagdag naman ng ina ng biktima, hinampas pa umano ng upuan sa may likod ang biktima.
Base sa kuha ng CCTV, biglang nagkagulo sa kalagitnaan ng tournament dahil sa naturang rambol. Sumama pa umano ang ilang supporter ng katunggaling kupunan sa pambubugbog.
Nakatakdang mag-usap ang dalawang partido sa tanggapan ng barangay upang magkalinawan sa nangyaring insidente. Desidido naman ang biktima na magsampa ng kaso. | 𝙞𝙛𝙢 𝙣𝙚𝙬𝙨
