𝗠𝗔𝗛𝗜𝗚𝗣𝗜𝗧 𝗡𝗔 𝗣𝗔𝗚𝗧𝗨𝗧𝗢𝗞 𝗡𝗚 𝗟𝗚𝗨 𝗗𝗔𝗚𝗨𝗣𝗔𝗡 𝗦𝗔 𝗧𝗔𝗥𝗚𝗘𝗧 𝗡𝗔 𝗭𝗘𝗥𝗢 𝗙𝗜𝗥𝗘𝗖𝗥𝗔𝗖𝗞𝗘𝗥 𝗥𝗘𝗟𝗔𝗧𝗘𝗗 𝗜𝗡𝗖𝗜𝗗𝗘𝗡𝗧 𝗡𝗚𝗔𝗬𝗢𝗡𝗚 𝗗𝗜𝗦𝗬𝗘𝗠𝗕𝗥𝗘, 𝗜𝗡𝗨𝗠𝗣𝗜𝗦𝗔𝗛𝗔𝗡 𝗡𝗔

Inumpisahan na ng lokal na pamahalaan ng Dagupan city ang mahigpit na pagtutok nito sa target na zero firecracker related incident sa lungsod sa pagdiriwang ng pasko at bagong taon ngayong Disyembre.

Una nang isinagawa ang ilang mga kaganapan sa lungsod ukol sa kampanya kontra mga ipinagbabawal na paputok sa inilunsad na Oplan Iwas Paputok 2023 katuwang ang kagawaran ng kalusugan.

Patuloy na rin ang panghihikayat ng mga lokal na pamahalaan sa mga magulang at pati mga guro sa eskwelahan ang pagbibigay ng kaalaman sa mga kabataan ukol sa maaaring pinsalang maidulot ng mga de-kemikal na paputok lalo na ang usong improvised paputok na boga.

Ayon sa awtoridad, mas mainam na gamitin ng mga kabataan maging ng nakatatanda ang mga pampaingay na walang kemikal tulad ng torotot at iwasan ng bumili ng mga naglalakihang uri ng paputok na siyang ipinagbabawal.

Samantala, maaaring alternatibong pamalit na pampaingay ngayon ay mga pito at torotot o di kaya ay mga improvised na mga bagay na maaaring makalikha ng ingay nang walang napapahamak na indibidwal. | 𝙞𝙛𝙢𝙣𝙚𝙬𝙨