𝗠𝗚𝗔 𝗡𝗔𝗞𝗔𝗞𝗔𝗦𝗨𝗡𝗢𝗗 𝗦𝗔 𝗡𝗢 𝗦𝗘𝗚𝗥𝗘𝗚𝗔𝗧𝗜𝗢𝗡 𝗡𝗢 𝗖𝗢𝗟𝗟𝗘𝗖𝗧𝗜𝗢𝗡 𝗣𝗢𝗟𝗜𝗖𝗬 𝗦𝗔 𝗕𝗥𝗚𝗬 𝗧𝗔𝗣𝗨𝗔𝗖 𝗗𝗔𝗚𝗨𝗣𝗔𝗡 𝗖𝗜𝗧𝗬 𝗡𝗔𝗦𝗔 𝟱𝟬% 𝗣𝗔 𝗟𝗔𝗠𝗔𝗡𝗚 𝗔𝗬𝗢𝗡 𝗦𝗔 𝗕𝗔𝗥𝗔𝗡𝗚𝗔𝗬 𝗖𝗢𝗨𝗡𝗖𝗜𝗟

Nasa kalahati pa lamang o katumbas ng 50% ng mga residente ng Brgy. Tapuac ang nakakasunod sa ipinapatupad na “No Segregation, No Collection” Policy sa Dagupan City.

Ito mismo ang kinumpirma ni Brgy. Captain Sidney Lomboy sa panayam ng IFM News Dagupan.

Ayon sa Kapitan, bahagi rin ng programa ang paglipat ng dump site ng Barangay kung saan ay inilipat na ito sa bahagi ng Bonuan na pagmamay-ari na lupa ng kapitan.

Sa ngayon ay kumuha sila ng mga manggagawa na siyang magiging mga segregators habang hindi pa sanay ang mga taga-barangay sa nasabing polisiya.

Hindi naman masabi ng Kapitan kung kailan ang eksaktong petsa na makakasunod ang mga taga-Tapuac sa mahigpit na implementasyon ng ”No Segregation, No Collection” policy ng lungsod. |𝙞𝙛𝙢𝙣𝙚𝙬𝙨