𝗡𝗢 𝗦𝗪𝗜𝗠𝗠𝗜𝗡𝗚 𝗔𝗧 𝗙𝗜𝗦𝗛𝗜𝗡𝗚 𝗣𝗢𝗟𝗜𝗖𝗬, 𝗔𝗚𝗔𝗥𝗔𝗡𝗚 𝗜𝗣𝗜𝗡𝗔𝗧𝗨𝗣𝗔𝗗 𝗦𝗔 𝗗𝗔𝗚𝗨𝗣𝗔𝗡 𝗖𝗜𝗧𝗬 𝗞𝗔𝗦𝗨𝗡𝗢𝗗 𝗡𝗚 𝗣𝗢𝗦𝗜𝗕𝗟𝗘𝗡𝗚 𝗣𝗔𝗡𝗔𝗡𝗔𝗟𝗔𝗦𝗔 𝗡𝗚 𝗕𝗔𝗚𝗬𝗢𝗡𝗚 𝗞𝗥𝗜𝗦𝗧𝗜𝗡𝗘

Ipinatupad ngayong araw sa lungsod ng Dagupan ang No Swimming at Fishing Policy kasunod ng posibleng pananalasa ng Bagyong Kristine.

Epektibo na ang agarang pagpapatupad ng naturang polisiya sa Tondaligan Beach maging sa mga kailugan sa lungsod. Itinaas na rin ang Gale Warning sa Dagupan kaya naman hindi na pahihintulutan ang anumang mga fishing activities upang maiwasan ang anumang typhoon-related incident.

Inabisuhan na rin ang mga paaralan na maging evacuation centers sa posibleng evacuees lalo na ang mga nakatira sa low-lying at coastal areas.

Nakastandby na ang hanay ng CDRRMO, BFP, PNP, DILG, PARMC Dagupan, Philippine Coast Guard, POSO, City Health Office, CSWDO, City Agriculture Office at iba pang line agencies para sa kaukulang pagtugon sa posibleng emergencies.

Samantala, sa buong Pangasinan kasama na ang lungsod Dagupan sa nagkansela ng pasok sa lahat ng antas bilang paghahanda sa epekto ng bagyo. |𝙞𝙛𝙢𝙣𝙚𝙬𝙨