𝗣𝗔𝗚𝗕𝗨𝗛𝗔𝗬 𝗦𝗔 𝗜𝗦𝗔𝗡𝗚 𝗞𝗔𝗦𝗨𝗡𝗗𝗨𝗔𝗡 𝗣𝗔𝗥𝗔 𝗦𝗔 𝗣𝗔𝗚𝗛𝗔𝗛𝗔𝗡𝗗𝗔 𝗦𝗔 𝗠𝗚𝗔 𝗠𝗔𝗡-𝗠𝗔𝗗𝗘 𝗗𝗜𝗦𝗔𝗦𝗧𝗘𝗥𝗦 𝗦𝗔 𝗣𝗔𝗡𝗚𝗔𝗦𝗜𝗡𝗔𝗡, 𝗜𝗦𝗜𝗡𝗔𝗚𝗔𝗪𝗔

Muling binuhay ang isang kasunduan sa pagitan ng probinsya ng Pangasinan at ng Bureau of Fire Protection Region I para sa paghahanda sa mga man-made disasters sa probinsya.

Pirmado ni Pangasinan Governor Ramon Guico III at BFP Regional Office I Fire Chief Superintendent Leonida V. Gumanab-Rosales ang isang Memorandum of Agreement (MOA) na may layuning maihanda ang lalawigan sa mga sakuna kung saan ayon pa sa resolusyon na nakapaloob dito ang mga responsibilidad ng pamahalaan na tugunan ang mga sakuna sa oras ng pangangailangan.

Dahil dito, ipinagkaloob sa probinsiya ang isang fire truck mula sa BFP Region I upang mas mapaigting ang pagtugon sa mga sakuna gaya ng sunog at marami pang iba na manggagaling sa iba’t ibang bayan sa lalawigan.

Matatandaan na mayroon ng MOA sa pagitan ng dalawa noong taong 2009 at ngayon muling binuhay para sa mas maigting na pagtulong sa mga mangangailangan ng tulong.

Ang kasunduan ay pinagtibay base sa inaprubahan ng Sangguniang Panlalawigan Resolution 768-2023 noong ika-6 ng Setyembre ngayong taon. |𝙞𝙛𝙢𝙣𝙚𝙬𝙨