Nagpapatuloy hanggang ngayong araw ang pagsasailalim sa Luzon Grid sa Yellow Alert Status, habang ang Visayas at Mindanao Grid ay nananatiling nasa normal condition.
Ayon sa pinakahuling anunsyo ng National Grid Corporation of the Philippines (NGCP), muling iimplementa ang Manual Load Dropping (MLD) kung saan inaasahan na makakaranas ng power outage ang ilang apektadong bahagi sa Luzon.
Inalmahan naman ng ilang mga apektadong residente ang patuloy na nararanasang suliranin sa kuryente. Hiling pa ng mga ito na kung maaari ay sa araw na lang umano ipatupad ang mga kinakailangang pagsasaayos at hindi sa gabi, lalo na at ramdam pa rin umano hanggang sa kasalukuyan ang init ng panahon.
Samantala, ang madalas na ipatupad na MLD ay ang kontroladong pagbawas sa karga ng kuryente upang mapanatili ang katatagan ng suplay nito. |𝙞𝙛𝙢𝙣𝙚𝙬𝙨
