Kinondena ni 2nd District Representative Congressman Cojuangco ng lalawigan ng Pangasinan ang pagsasawalang-bahala umano ng Department of Energy (DOE) ukol sa usaping pagtatatag muli ng nuclear power plant sa bansa.
Ayon sa kongresista, hindi umano nakikita ng pamunuan ang kahalagahan ng pagkakaroon muli nito at bilang isang potensyal na oportunidad sa pagbubukas ng maraming mga salik na posibleng makatulong sa paglago ng ekonomiya.
Matatandaan na pinakalayunin sa pagsulong ng naturang nuclear energy ni Chairman on Special Committee on Nuclear Energy na matulungan ang mamamayang Pilipino sa pamamagitan ng pagkakaroon ng mas ligtas at mas murang kuryente, maging umpisa ng oportunidad sa employment ng bansa.
Patuloy namang gumugulong ang usad nito sa kamara sa pagbabahagi ng kaalaman na nakapaloob sa nasabing usapin.
Samantala, kung tuluyang maaprubahan at maisakatuparan, target na naipatayo ang power plant sa bayan ng Labrador, dito sa lalawigan ng Pangasinan. |𝙞𝙛𝙢𝙣𝙚𝙬𝙨
