Sanhi ng papalapit na dry season, hinihikayat ng Department of Agriculture (DA) ang mga magsasaka na pansamantalang magtanim ng drought-resistant crops na hindi nangangailangan ng labis na tubig at kayang mabuhay sa sobrang init upang hindi labis na naapektuhan ng El Niño.
Sa pahayag ni DA Regional Office 1 Regional Technical Director Dennis Tactac, inabisuhan niya ang mga magsasaka sa unang rehiyon na mainam na magtanim ng mais, pinakbet vegetables o di kaya ay root crops habang umiiral ang dry season.
Kung ipagpapatuloy naman ang pagtatanim ng palay, payo ni Tactac na kung hindi strategically located na malapit sa water reservoir o irigasyon ang kanilang taniman, siguraduhin na nasa maayos na kalagayan ang kanilang irrigation system at gumamit ng water-saving technologies.
Samantala, pinaghahandaan ng DA ang pagpapamahagi ng pump, engine sets at solar-powered irrigation system sa mga farmer’s association sa Ilocos Region.
Ayon sa PAGASA maaaring umiiral ang el niño phenomenon sa bansa mula Marso hanggang Mayo at labis na nakakaapekto sa sektor ng agrikultura. |𝙞𝙛𝙢𝙣𝙚𝙬𝙨
