𝗣𝗔𝗚𝗧𝗔𝗧𝗔𝗬𝗢 𝗡𝗚 𝗠𝗢𝗧𝗛𝗘𝗥 𝗔𝗡𝗗 𝗖𝗛𝗜𝗟𝗗 𝗛𝗢𝗦𝗣𝗜𝗧𝗔𝗟 𝗦𝗔 𝗗𝗔𝗚𝗨𝗣𝗔𝗡 𝗖𝗜𝗧𝗬, 𝗠𝗨𝗟𝗜𝗡𝗚 𝗜𝗚𝗜𝗡𝗜𝗜𝗧

Muling iminungkahi sa naganap na regular session sa Sangguniang Panlungsod ng Dagupan ang pagkakaroon ng isang health facility na aalalay partikular sa mga nanay at bata sa Dagupan City.

Sa ilalim ng Proposed Draft Resolution No – 6357, nakasaad dito ang pagpapatayo ng Mother and Child Hospital sa lungsod bilang suporta sa mga serbisyong medikal na kinakailangan ng mag-ina.

Ayon kay Minority Floor Leader Michael Fernandez, mayroon nang inisyung Certificate of Urgency ang alkalde kaya’t maaari na itong pag-usapan upang maproseso ang pag-usad nito.

Binigyang diin ang kahalagahan ng Primary Health Care na responsibilidad ng lokal na pamahalaan upang matugunan ang krisis sa pangkalusugan lalong lalo sa mga nanay at mga bata. |𝙞𝙛𝙢𝙣𝙚𝙬𝙨