‎𝗣𝗛𝗜𝗟𝗜𝗣𝗣𝗜𝗡𝗘 𝗚𝗢𝗟𝗙 𝗖𝗛𝗔𝗠𝗣𝗜𝗢𝗡𝗦𝗛𝗜𝗣, 𝗦𝗜𝗡𝗜𝗠𝗨𝗟𝗔𝗡 𝗡𝗚𝗔𝗬𝗢𝗡𝗚 𝗔𝗥𝗔𝗪

Cauayan City – Mahigit 130 golfers ang inaasahang lalahok sa Philippine Golf Championship na magsisilbing season opener ng Asian Tour at inihahandog ng Philippine Sports Commission (PSC).

‎Gaganapin ang torneo ngayong araw, February 5 hanggang 8 sa East Course ng Wack Wack Golf and Country Club sa Mandaluyong City.

‎Kabilang sa mga top players na sasabak ay sina dating Order of Merit winners John Catlin at Sihwan Kim ng United States, at Jazz Janewattananond ng Thailand.

‎May kabuuang premyong USD 500,000 na inilaan ng Asian Tour at National Golf Association of the Philippines.

‎Ayon kay PSC chairman Patrick Gregorio, patunay ang muling pagho-host ng bansa sa tiwala ng international sports community.

‎Samantala, lalaban naman para sa Pilipinas sina Aidric Chan at Carl Jano Corpus sa nabanggit na kompetisyon.