𝗣𝗢𝗦𝗢 𝗖𝗔𝗟𝗔𝗦𝗜𝗔𝗢, 𝗣𝗨𝗦𝗣𝗨𝗦𝗔𝗡 𝗔𝗡𝗚 𝗣𝗔𝗚𝗛𝗔𝗛𝗔𝗡𝗗𝗔 𝗦𝗔 𝗣𝗔𝗣𝗔𝗥𝗔𝗧𝗜𝗡𝗚 𝗡𝗔 𝗣𝗨𝗧𝗢 𝗙𝗘𝗦𝗧𝗜𝗩𝗔𝗟

Puspusan ang isinasagawang paghahanda ng Public Order and Safety Office Calasiao sa paparating na selebrasyon ng Puto Festival.

Sa panayam ng IFM News kay POSO Calasiao Deputy Chief Mejia, full force ang kanilang hanay sa pagmamando ng trapiko sa bayan mula December 9-14.

Ani Mejia, katuwang nila ang kapulisan sa pagpapanatili ng seguridad gayundin ang ilang force multipliers.

Aniya pa, hindi na umano bago sa kanila ang taunang pagsisiguro ng kaayusan sa bayan kaya’t inihayag nito na sila ay handa na.

Samantala, ilang lansangan sa bayan ang isasara tulad na lamang sa sentro ng bayan kung saan madadaanan ng grand parade at streetdance competition.

Inaasahan naman na libo-libo ang dadayo sa bayan na makikisaya sa taunang pista. |𝙞𝙛𝙢𝙣𝙚𝙬𝙨