𝗣𝗥𝗘𝗦𝗬𝗢 𝗡𝗚 𝗕𝗜𝗚𝗔𝗦 𝗦𝗔 𝗗𝗔𝗚𝗨𝗣𝗔𝗡 𝗖𝗜𝗧𝗬, 𝗠𝗔𝗦 𝗕𝗨𝗠𝗔𝗕𝗔 𝗣𝗔

Sumadsad pa lalo ngayon ang presyuhan ng bigas sa mga palengke sa lungsod ng Dagupan.

Nasa P39 na ang pinakamababang presyo na maaaring mabili sa kada kilo nito. Naglalaro naman sa P40 hanggang P43 ang sunod na mababang presyo ng bigas sa ilang rice stalls sa lungsod.

Ayon sa ilang rice retailers na nakapanayam ng IFM News Dagupan, nakatulong umano sa pagpapababa ng presyo ay ang harvest season o pagkakaroon ng maraming suplay nitong nakaraang mga buwan.

Samantala, nananatili nang mababa ang presyo ng bigas sa Dagupan City at inaasahang pang mas bababa ito kasunod ng pagtatapyas sa taripa ng mga imported rice. |𝙞𝙛𝙢𝙣𝙚𝙬𝙨