𝗧𝗥𝗜𝗖𝗬𝗖𝗟𝗘 𝗗𝗥𝗜𝗩𝗘𝗥, 𝗜𝗦𝗜𝗡𝗔𝗨𝗟𝗜 𝗔𝗡𝗚 𝗡𝗔𝗜𝗪𝗔𝗡 𝗡𝗔 𝗪𝗔𝗟𝗟𝗘𝗧 𝗡𝗚 𝗞𝗔𝗡𝗜𝗬𝗔𝗡𝗚 𝗣𝗔𝗦𝗔𝗛𝗘𝗥𝗢

Isang tricycle driver sa Alaminos City ang hinahangaan ngayon dahil sa pagsasauli nito ng naiwan na wallet na naglalaman ng libo-libong pera ng kanyang pasahero.

Bagamat maliit lamang ang kita sa pamamasada ni Joselito Del Rosario Sr., hindi niya pinag interesan ang wallet na naiwan sa kanyang tricycle.

Agad niya itong itinurn over sa POSO Alaminos City upang maibalik sa kaniyang babaeng pasahero noong araw na iyon.

Naglalaman ito ng 9, 750 pesos.

Labis naman ang pasasalamat ng may-ari ng wallet na inilaan ang pera para sa gastusin sa araw-araw.

Itinuturing ngayon na good samaritan si Del Rosario at naging inspirasyon sa iba pang residente dahil sa ginawa nitong kabutihan at katapatan. |𝙞𝙛𝙢𝙣𝙚𝙬𝙨