𝗨𝗡𝗔𝗡𝗚 𝗡𝗔𝗜𝗧𝗔𝗟𝗔𝗡𝗚 𝗞𝗔𝗦𝗢 𝗡𝗚 𝗦𝗨𝗦𝗣𝗘𝗖𝗧𝗘𝗗 𝗣𝗘𝗥𝗧𝗨𝗦𝗦𝗜𝗦 𝗦𝗔 𝗗𝗔𝗚𝗨𝗣𝗔𝗡 𝗖𝗜𝗧𝗬, 𝗜𝗗𝗜𝗡𝗘𝗞𝗟𝗔𝗥𝗔𝗡𝗚 𝗣𝗨𝗠𝗔𝗡𝗔𝗪 𝗡𝗔

Kinumpirma ni Dagupan City Health Officer Ophelia Rivera ang unang kaso ng hinihinalang pertussis sa lungsod. Naitala sa naturang pumanaw na pasyente ang mga sintomas tulad ng ubo, sipon at lagnat.

Kaugnay nito, isa pang bata sa lungsod ang naitalang pumanaw sa sakit na diptheria matapos nitong taglayin ang mga sintomas ng sakit.

Ayon sa departamento ng kalusugan, nagsimula na silang mag-ikot sa mga barangay upang magturok ng libreng bakuna sa mga sanggol at bata.

Hinihikayat ng City Health Office ang pamunuan ng bawat barangay sa lungsod na dalhin sa mga health centers ang mga batang hindi pa naturukan ng bakuna upang magkaroon ng active immunity. |𝙞𝙛𝙢𝙣𝙚𝙬𝙨