Tatlong araw na isasagawa ang naturang eksaminasyon mula December 6, 7, at 8, 2024 sa sa Carmay Elementary School, Brgy. Carmay East, Rosales, Pangasinan.
Nagbigay abiso ang tanggapan sa mga kakailanganin na dalhin ng mga sasailalim sa naturang eksaminasyon upang hindi na magkaroon ng aberya sa mismong araw o iskedyul.
Inabisuhan ang mga kukuha ng pagsusulit na dalhin ang kanilang Notice of Admission (NOA), isang piradong metered-stamped window mailing envelope, No. 2 Pencil o lapis, black ballpen, non-programmable calculator, isang pirasong long brown envelope, at isang pirasong non-colored long plastic envelope na siyang paglalagyan ng mahahalagang gamit, baon na dapat ay nakalagay sa transparent bag o plastic, at tubig.
Dapat rin umano na basahin ng mabuti ang nakapaloob sa naturang notice of admission bago sumailalim sa eksaminasyon.
Maaari naman na makipag-ugnayan sa PRC R1 kung sakaling may katanungan o may nais pang malaman na impormasyon ukol sa naturang eksaminasyon.|𝙞𝙛𝙢𝙣𝙚𝙬𝙨
