Cauayan City – Nakasabit at wala nang buhay nang matagpuan ang katawan ng isang binata sa isang bahay kubo sa Brgy. San Luis, Cauayan City, Isabela.Sa nakuhang impormasyon ng IFM News Team sa Cauayan City Police Station, ang biktima ay isang 27-anyos na driver, tubong Daccal Fugu, Camalanuigan, Cagayan at kasalukuyang naninirahan sa Brgy. San Luis.
Bandang alas syete ng umaga ngayong araw ng matagpuan umano ng kasamahan nito ang katawan ng biktima na nakabigti sa kubo gamit ang isang lubid.
Ayon sa pagsisiyasat ng kapulisan, nito lang rin ika-21 ng Mayo ay mayroong ipinadalang video ang biktima sa kaibigan ng karelasyon nito kung saan sinubukan na nitong magpakamatay sa pamamagitan ng paglalaslas.
Samantala, bago ang pagpapatiwakal ng biktima nakipag-inuman pa umano ito kung saan dito nga ay inilabas nito ang sakit na kanyang nararamdaman sa pamamagitan ng pag-iyak matapos umano nilang maghiwalay ng kanyang long distance partner.
