Gipasidunggan ang lokal nga panggamhanan sa Malapatan Sarangani Province isip Drug- Cleared Sustained Awardee sa ADAC- National Audit. Gihimo ang pasidungog pinaage sa usa ka Virtual Special Awards 2020 sa Anti- Drug Abuse Council (ADAC) ilawom sa Department of Interior and Local Government (DILG).
Ang maong award mao ang bunga sa gipakusgang kampanya sa illegal nga droga sa Munisipyo sa Malapatan.Tungo niini mapasalamaton si Mayor Jun Sumbo Jr. kauban si Vice Mayor Jean Delos Santos ug mga Municipal Councilors sa maong pasidungog nga naangkon karon sa LGU Malapatan.
Nagpaabot usab sila sa ilahang pagpasalamat sa mga myembro sa Municipal Anti-Drug Abuse Council (MADAC), DILG Malapatan nga gipangulohan ni MLGOO Maria Fritzie EspaΓ±ol, ang aktibong partisipasyon sa mga Barangay Officials ug sa BADAC ilabi na usab sa katawhan sa Malapatan sa maong kampanya ug sa hugot nga pakig-alayon ug suporta sa Philippine Drug Enforcement Agency (PDEA). Samtang nakaangkon usab sa maong pasidungog ang munisipalidad sa Malungon, Alabel ug Glan.
