Patay nga lawas sa usa ka lalaki nga may samad pinusilan ug dinunggaban nakaplagan sa lungsod sa Tampakan, South Cotabato

Wala nay kinabuhi nga nakaplagan ang usa ka mag-uuma sa nabukid nga bahin sa Sitio Lahak, Brgy. Danlag, Tampakan, South Cotabato, alas 7:30 sa gab-i niadtong nakalabayng adlaw.

Giila ang biktima nga si Tulon Bulani, 32 anyos ug residente sa Sitio Lam-alis, Brgy Datalbao, Columbio, Sultan Kudarat.

Subay sa imbestigasyon sa Tampakan MPS, nakaangkon ug igo sa bala ug dunggab ang biktima.

Sa karon nagpadayon ang imbestigasyon sa Tampakan Municipal Police Station kalabutan sa maong insidente.