𝗜𝗟𝗔𝗡𝗚 𝗠𝗔𝗚𝗨𝗟𝗔𝗡𝗚 𝗦𝗔 𝗣𝗔𝗡𝗚𝗔𝗦𝗜𝗡𝗔𝗡, 𝗦𝗔𝗡𝗚-𝗔𝗬𝗢𝗡 𝗦𝗔 𝗞𝗔𝗡𝗦𝗘𝗟𝗔𝗦𝗬𝗢𝗡 𝗡𝗚 𝗦𝗘𝗠𝗕𝗥𝗘𝗔𝗞 𝗡𝗚𝗔𝗬𝗢𝗡𝗚 𝗧𝗔𝗢𝗡

Sinang-ayunan ng ilang magulang sa Pangasinan ang panawagan ng National Parents and Teachers Association na kanselahin muna ang Semestral break upang mapunan ang mga araw na nagkaroon ng kanselasyon ng klase dahil sa mga nagdaang bagyo.

Ani ng ilang magulang, dapat lang umanong tanggalin muna ang sembreak dahil masyado nang mahaba ang bakasyon ng mga bata dulot ng sunod-sunod na bagyo.

Apektado umano ang pagkatuto ng mga bata dahil pagtutok sa cellphone ang pinagkaabalahan ng mga ito habang nasa bahay kaysa tapusin ang asignatura.

Samantala, ilang paaralan na ang nagtakda ng limang araw na make up classes sa mga learners bilang paghahabol sa mga aralin. |𝙞𝙛𝙢𝙣𝙚𝙬𝙨