Patay ang isa katao habang kasalukuyang inoobserbahan sa pagamutan ang limang kaanak nito matapos silang mabangga ng isang umano’y van sa bayan ng Sta. Barbara.
Naganap ang aksidente sa bahagi ng Tebag East pasado alas onse ng gabi kung saan ay isa sa sakay ng tricycle ang biktima na nakilalang si Marjorie Valencia.
Ayon sa imbestigasyon, binabagtas ng tricycle na sinasakyan ng biktima kasama ang lima pang kaanak ang nasabing daan ng ito ay mabangga sa likod ng nasabing van dahilan upang tumilapon ang mga ito at magtamo ng sugat sa iba’t-ibang bahagi ng katawan na agad namang naisugod sa pagamutan subalit idineklarang dead-on-arrival ang biktima habang patuloy pa na inoobserbahan ang mga kasamahan nito.
Samantala, patuloy pa rin ang imbestigasyon sa pagkakakilanlan ng driver ng van na nakabangga sa mga ito na sinasabing tumakas matapos ang insidente. |𝙞𝙛𝙢𝙣𝙚𝙬𝙨
