Mas tinututukan ngayon sa lungsod ng Dagupan partikular sa mga barangay island residents ang kanilang kaligtasan lalo na at kinakailangan pa ng mga ito ng tumawid sa ilog para makapunta o makapasok sa pupuntahan.
Alinsunod dito, nakipagpulong ang lokal na pamahalaan ng Dagupan sa pangunguna ni Mayor Fernandez sa pamunuan ng Philippine Coast Guard (PCG) Pangasinan kasama ang Dagupan PCG at Sual PCG.
Tinalakay ng mga ito ang mga kaalamang nakapaloob sa naturang talakayin tulad na lamang ng pag-implementa ng pagkakaroon o pagsuot ng mga pasahero ng life jackets o vests bilang pagtugon sakaling maranasan ang hindi kanais-nais na insidente na dagat.
Kinakailangan din ang pag-install ng mga navigational lights sa mga pampasaherong bangka lalo na at ilang bahagi sa mga island barangays ay walang nakatayong pailaw.
Sa kasalukuyan, nananatili sa mga nakatakdang pasahe ang passenger fee at wala pang paggalaw dito simula pa noong ipatupad ang bagong fare minimum bunsod ng pandemya. |𝙞𝙛𝙢𝙣𝙚𝙬𝙨
