𝗟𝗔𝗟𝗔𝗞𝗜 𝗦𝗔 𝗗𝗔𝗚𝗨𝗣𝗔𝗡 𝗖𝗜𝗧𝗬 𝗡𝗔𝗛𝗨𝗟𝗜𝗔𝗡 𝗡𝗚 𝗛𝗔𝗟𝗢𝗦 𝗗𝗔𝗟𝗔𝗪𝗔𝗡𝗗𝗔𝗔𝗡𝗚 𝗟𝗜𝗕𝗢𝗡𝗚 𝗣𝗜𝗦𝗢𝗡𝗚 𝗛𝗔𝗟𝗔𝗚𝗔 𝗡𝗚 𝗦𝗛𝗔𝗕𝗨 𝗦𝗔 𝗕𝗨𝗬 𝗕𝗨𝗦𝗧 𝗢𝗣𝗘𝗥𝗔𝗧𝗜𝗢𝗡

Umaabot sa halos dalawandaang libong pisong halaga ng hinihinalang shabu ang nakumpiska sa isang treinta y siete anyos na lalaki matapos ang ikinasang buy bust operation sa Dagupan City.

Ang suspek ay nakilalang si Ramil Tubal residente ng Brgy. Salay sa bayan ng Mangaldan.

Ikinasa ang buy bust operation laban sa suspek pasado alas nuebe ng gabi sa Brgy. Bolosan na nagresulta sa pagkakakumpiska dito ng limang sachet ng hinihinalang shabu na tumitimbang ng 25 grams at nagkakahalaga ng ₱170,000.00.

Sa ngayon ay nasa kustodiya na ng PNP Dagupan ang suspek at inihahanda na ang kasong isasampa laban dito. |𝙞𝙛𝙢𝙣𝙚𝙬𝙨