𝗣𝗨𝗟𝗜𝗦, 𝗛𝗜𝗡𝗔𝗡𝗚𝗔𝗔𝗡 𝗠𝗔𝗧𝗔𝗣𝗢𝗦 𝗠𝗔𝗚𝗕𝗔𝗟𝗜𝗞 𝗡𝗚 𝗣𝟭𝟱,𝟬𝟬𝟬 𝗡𝗔 𝗡𝗔𝗜𝗦𝗘𝗡𝗗 𝗦𝗔 𝗞𝗔𝗡𝗜𝗬𝗔𝗡𝗚 𝗚𝗖𝗔𝗦𝗛

CAUAYAN CITY – Hindi nag dalawang isip ang isang pulis sa Batanes matapos itong magbalik ng P15,000 cash sa isang gcash user na nagkamaling mag send ng pera.

Siya ay si PSSg. Anselmo H Gari Jr. ng Sabtang Police Station, Batanes PPO.

Aniya, laking gulat nito ng makatanggap ng notification na mayroong pumasok na pera sa kaniyang account gayong wala naman umano itong inaasahang pera.

Matapos ito, isang text mula sa isang Ginang sa Quezon City ang kanyang natanggap na nagsasabing nagkamali ito ng pagsend at hinihiling na maibalik sa kanya ang pera.

Agad namang tinawagan ni PSSg. Gari upang kumpirmahin kung siya ang tunay na may-ari at agad niya itong binalik sa pamamagitan din ng GCASH.