Cauayan City – Patay ang isang Sales Lady matapos itong mabangga ng isang Victory Liner bus sa Brgy. Sinamar Sur, San Mateo, Isabela.
Sa inisyal na pagsisiyasat ng San Mateo Police Station, binabaybay ng pampasaherong bus ang daan patungo sa direksyon ng Ramon, Isabela.
Nang makarating sa pinangyarihan ng insidente, nag-overtake umano ito sa sinusundan nitong sasakyan ngunit hindi nito inaasahan na nasa proseso pala ng pagtawid patungo sa kabilang kalsada ang biktimang si Julie Dumo.
Dito nga ay aksidente nitong nabundol ang biktima at sa lakas ng pagkakabangga, tumilapon ang ginang at nagtamo ng malalang pinsala sa kanyang katawan na naging sanhi ng kanyang pagkamatay.
Samantala, kasalukuyan ngayong nasa kustodiya ng PNP San Mateo ang driver ng bus para sa imbestigasyon at pagsasampa ng kaso.
