𝗪𝗢𝗥𝗞𝗦𝗛𝗢𝗣 𝗢𝗡 𝗧𝗛𝗘 𝗙𝗢𝗥𝗠𝗨𝗟𝗔𝗧𝗜𝗢𝗡 𝗢𝗙 𝗣𝗢𝗣𝗦 𝗣𝗟𝗔𝗡, 𝗨𝗡𝗔𝗡𝗚 𝗛𝗜𝗚𝗔𝗬𝗢𝗡 𝗚𝗜𝗗𝗨𝗠𝗔𝗟𝗔 𝗦𝗔 𝗞𝗔𝗚𝗔𝗠𝗛𝗔𝗡𝗔𝗡𝗚 𝗣𝗥𝗢𝗕𝗜𝗡𝗦𝗬𝗔𝗟

53
“Sukad sa nakalabayng administrasyon karon pa ang unang higayon nga ang kapitolyo probinsyal midumala sa POPS planning.” Kini ang pasiunang mensahe ni Provincial Administrator Atty. Dug Christoper Mah atul sa pagbukas sa Workshop On The Formulation Of Peace and Order Public Safety (POPS) Plan nga gipahigayon sa Royal Farm Resort, Gulayon dakbayan sa Dipolog nga gisugdan kaganihang buntag Oktubre 3 hangtod 5. Gipaklaro sa administrador sa probinsya nga wala hatagig pagtagad sa nakalabayng administrasyon ang POPS planning nga kinahanglan mahibaw-an sa kagamhanang probinsyal ang peace and order plan sa tanang munisipyo ug duruha ka dakbayan ning lalawigan, aron sa ingon niana ma-mintinar ang kahapsay ug kalinaw ning probinsya. Gibutyag ni Atty. Mah ang plano ni Governor Rosalina Jalosjos nga sa sunod tuig, mopalit ug 3 ka patrol boat ang probinsya alang sa mga kabaybayunan palibot ning lalawigan nga kasamtangang ipahulam lang dayun sa matag kalungsuran nga nanginahanglan pag-ayu. Niini ang patrol boat usa sa makapalig-on sa siguridad sa baybayun sa atong probinsya, nga matud pa maoy sagad lutsan o agian sa mga kidnapping cases ang kabaybayunan. Laing gi-planuhan ni Nanay Nene ang pagpalit ug helicopter nga sarang magamit alang sa search and rescue operations. Dugang pa ni Atty. Mah nga ang kahapsay ug kalinaw mahinungdanun sa atong lalawigan aron usab daghang mga negosyante ang mosulod sa atong dapit. Gikahibaloan nga ang maong Workshop On The Formulation of POPS Plan gipaluyohan kini sa DILG, ZNPPO, Provincial Peace and Order Council, Municipal Planning Officers ug mga local chief executives. Subay niini, nanghinaut na lamang ang kapitolyo probinsyal sa suporta sa tanang mga ahensya nga kalambigit sa mga sugyot ug plano sa administrasyong Jalosjos alang sa kaayuhan sa ZaNorte. (𝙿𝙸𝙲-𝙹𝙾𝙴𝚄𝙴 𝚂𝙰𝙲𝙾𝙻 𝚁𝙰𝙼𝙸𝚁𝙴𝚉, 𝚁𝙰𝚈𝙼𝙾𝙽𝙳 𝙶𝙰𝚁𝚁𝙾𝚅𝙸𝙻𝙻𝙾-𝙽𝚎𝚠𝚜 𝙶𝚊𝚝𝚑𝚎𝚛𝚎𝚛/𝙲𝚊𝚖𝚎𝚛𝚊𝚖𝚊𝚗)
Facebook Comments