![7-DAY TRAINING](https://i0.wp.com/rmn.ph/wp-content/uploads/2024/04/7-DAY-TRAINING.jpg?resize=526%2C526&ssl=1)
CAUAYAN CITY – Natapos na ng Department of Tourism (DOT) Region 2 ang 7-day Cave Guides Training kasama ang Filipino Brand of Service Excellence (FBSE) kamakailan.
Layunin ng nasabing training na bigyan ng kasanayan ang mga trainees para maging technical cave guides.
Ayon kay Romeo Caranguian Jr., ng DOT, ang pagsasanay sa FBSE ay upang maiangat ang kalidad ng ating mga tour guides lalo na ang paggamit ng Filipino brand na Mabuhay at Salamat gestures.
Kabilang sa naturang pagsasanay ay ang Basic Cave Guiding, Cave Archaeology and Paleontology, Cave Safety demonstration, at Incident Crisis Management
Nakatanggap naman ng Cave guide kits na naglalaman ng headlight, dry bag, rash-guard, safety ropes, and life vests, ang dalawampu’t walong (28) graduate guides.