Cauayan City – Nagsimula ng magsidatingan sa FLDY Coliseum, Cauayan City, Isabela ang mga indibidwal na nais makakuha ng serbisyong hatid ng Professional Regulation Commission Region 2 Mobile Service.
Ngayong araw ika-30 ng Hulyo, mismong ang ahensya na ng PRC Region 2 ang nagtungo sa lungsod ng Cauayan upang mas mailapit pa ang kanilang serbisyo sa mga indibidwal na nangangailangan nito.
Iba’t-ibang serbisyo ang hatid ng PRC kabilang na ang aplikasyon para sa board examination, Initial Registration, Renewal at Duplication ng Professional Identification Card, Certification at Authentication, Stateboard Verification, Petition for Change of Status at Correction of Data o Entries.
Samantala, inaasahan naman ang pagdagsa ng mga aplikante ngayong araw ngunit pinapayuhan ang mga ito na bago magtungo sa lugar ay magregister muna sa kanilang website at piliin ang FLDY Coliseum bilang lokasyon.
