Cauayan City – Nakatakdang simulan ang muling pagtanggap ng aplikasyon para sa Civil Service Professional and Sub-Professional Examination ngayong taon.
Sa inilabas na anunsyo ng Civil Service Commission Regional Office 2, magsisimula ang pagtanggap sa darating na Lunes, ika-13 ng Mayo.
Bagama’t isang buwan ang inilaang panahon sa pagsusumite ng aplikasyon para sa naturang eksaminasyon, posibleng kaagad rin itong isara oras na maabot na ang qouta ng mga kukuha ng pagsusulit.
Maaari namang magpasa ng aplikasyon Regional Office sa Tuguegarao, CSC Field Office sa Cagayan-Batanes; Isabela, Quirino at Nueva Vizcaya.
Samantala, magaganap naman ang Pen and Paper Examination sa August 11 kung saan ang mga test centers ay matatagpuan sa Tuguegarao City Cauayan City, Bayan ng Diffun at Bayombong.
