𝗔𝗦𝗦𝗜𝗦𝗧𝗔𝗡𝗧 𝗥𝗘𝗚𝗜𝗢𝗡𝗔𝗟 𝗗𝗜𝗥𝗘𝗖𝗧𝗢𝗥 𝗡𝗚 𝗖𝗢𝗠𝗘𝗟𝗘𝗖 𝗥𝗘𝗚𝗜𝗢𝗡 𝟭 𝗦𝗨𝗚𝗔𝗧𝗔𝗡 𝗦𝗔 𝗔𝗞𝗦𝗜𝗗𝗘𝗡𝗧𝗘 𝗦𝗔 𝗟𝗔 𝗨𝗡𝗜𝗢𝗡

Kasalukuyang inoobserbahan sa pagamutan pa ang assistant Regional Director ng Commission on Elections o Comelec Region 1 matapos itong masangkot sa aksidente sa bayan ng Agoo lalawigan ng La Union.

Ang biktima ay nakilalang si Atty Reddy Balarbar Assistant Regional Director ng Comelec Pangasinan.

Naganap ang aksidente sa bahagi ng national highway ng nasabing bayan nang mapunta sa linya ng kasalubong na bus ang sinasakyang SUv ng biktima base na din sa kuha ng CCTV.

Dahil dito ay nagtamo ng sugat sa ibat ibang bahagi ng Katawan ang opisyal na agad naman naisugod sa pagamutan at patuloy na inoobserbahan habang bahagya naman nasugatan ang driver at konduktor ng Bus na kabanggaan nito. |𝙞𝙛𝙢𝙣𝙚𝙬𝙨