Itinalaga ni Pangulong Ferdinand Marcos Jr.ang dating presidente ng Pangasinan State University na si Dr. Dexter R. Buted bilang bagong Chief Executive Officer at Administrator ng Philippine Coconut Authority.
Kamakailan lang ay nanumpa na sa tanggapan ng Kagawaran ng Agrikultura at pangunguna ni Secretary Francisco Laurel Jr. si Dr. Buted.
Sa isinagawang send-off ceremony na pinangunahan ng mga opisyal ng unibersidad para kay Dr. Buted, kinilala ang mga pangaral, istilo, at kahusayan nito sa serbisyo bilang Presidente sa loob ng walong taong panunungkulan niya sa Pangasinan State University mula 2014-2022.
Binigyang-diin nito ang kasaganaan ng asin na maaaring maging fertilizer na gamitin ng Philippine Coconut Authority dahil sa moisture content nito. Hinikayat niya ang mga Pangasinense na mag-invest sa salt making.
Sa kanyang mensahe, ipinahiwatig nito ang kabutihan ng pagkakatalaga niya upang mas makatulong sa mga estudyante pagdating sa scholarship programs at sa mga magsasaka sa Northern Luzon sa usaping health benefits at hospitalization na ipinagkakaloob ng PCA. |𝙞𝙛𝙢𝙣𝙚𝙬𝙨
