Mahigit 40,000 na displaced workers mula sa Tourism Sector ng Ilocos Region ang nakatanggap na ng 5, 000 pesos na ayuda mula sa pamahalaan.
Ayon kay Ilocos Region Tourism Director Joseph Francisco Ortega, umabot sa 48, 012 na manggagawa sa rehiyon ang inendorso sa Department of Labor and Employment o DOLE ngunit tanging 40, 076 lamang ang aprubado at ang natitirang 7, 936 na manggagawa ay hinihintay lamang na maaprubahan. Mula sa 40, 076, na benepisyaryo, 4, 034 ang mula sa Ilocos Norte, 3, 027 Ilocos Sur, 5, 265 sa La Union at 27, 750 sa lalawigan ng Pangasinan.
Umabot sa 200.38 milyon ang naipamahagi sa mga benepisyaryo sa buong rehiyon. Sinabi ni Ortega, na muling humiling ang kanilang ahensya sa DOLE upang mabigyan ng karagdagang pondo nang mabigyan muli ang mga ito ng ayuda dahil pa rin sa nararanasang COVID-19 pandemic.
Samantala, pinaplano na ng ahensya ang balak na pagbabakuna para sa mga manggagawa ng sektor ng turismo para sa pagbubukas ng mga tourism sites sa rehiyon.
