Namomroblema ngayon ang ilang nga motorista gayundin ang mga komyuter at residente mula sa bahagi ng nakasarang kalsada Barangay Dinalaoan, Calasiao upang magbigay-daan sa konstruksyon ng San Pablo Bridge.
Diumano, nag-umpisang isara ang bahagi ng Dinalaoan-San Vicente Road noong Abril 1 at pansamantala itong hindi pinapadaanan sa mga motorist, ngunit minsan naman ay pinapadaanan.
Kaya naman, ang mga estudyanteng pumapasok gayundin ang mga nagtatrabaho ay umiikot pa sa kalapit barangay nito o di naman sa isang bukid upang makapunta sa bayan.
Ayon sa ilang komyuter, pumapalo sa PHP 150.00 ang singil sa kanila, kaya naman nadagdagan ang kanilang iniisip.
Samantala, ayon sa mga facebook posts ng dating kapitan ng nasabing barangay, ay magtiis muna dahil para rin naman ito sa ikabubuti ng kanilang daanan.
Sa ngayon, patuloy na nakikipag-ugnayan ang iFM News Team sa awtoridad upang marinig ang kanilang panig ukol sa nasabing usapin. |𝙞𝙛𝙢𝙣𝙚𝙬𝙨
