Cauayan City – Timbog ang isang Street Level Individual na kilala sa alyas na “Gabo,” 46-anyos, may asawa at walang trabaho, matapos ang isang buy-bust operation na isinagawa kahapon, Enero 10, 2026, sa Barangay Sta. Rita, Aurora, Isabela.
Pinangunahan ng Aurora Police Station ang operasyon katuwang ang Provincial Intelligence Unit ng Isabela PPO at sa koordinasyon ng PDEA Regional Office 2.
Ayon sa ulat ng kapulisan, isang informant umano ang nagbigay ng impormasyon kaugnay sa ilegal na gawain ng suspek dahilan upang isagawa ang operasyon.
Nasamsam mula sa suspek ang humigit-kumulang 0.9 gramo ng hinihinalang shabu na may halagang Php 6,120.00, kabilang ang buy-bust item at iba pang sachet ng ilegal na droga.
Narekober din ang iba’t ibang personal na gamit gaya ng cellular phone, wallet, buy-bust money, driver’s license, isang motorsiklo na walang plaka, at isang backpack.
Samantala, mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Source: PNP AURORA
————————————–
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
